RohitSharma: వెస్టిండీస్‌తో జరుగుతున్న ఆఖరి వన్డే మ్యాచ్‌లో టీమిండియా స్టార్ ప్లేయర్ రోహిత్ శర్మ పరుగుల సునామీ సృష్టించాడు. క్రీజులోకి వచ్చిన క్షణం నుంచే విండీస్ బౌలర్లను చెడుగుడు ఆడుతూ ప్రపంచ క్రికెట్‌లోనే అదిరిపోయే రికార్డులను తన ఖాతాలో వేసుకున్నాడు. ఏకంగా క్రికెట్ గాడ్ సచిన్ టెండూల్కర్ పేరిట ఉన్న భారీ రికార్డును హిట్‌మ్యాన్ దాటేశాడు.
వన్డేల్లో ఇన్నింగ్స్‌లో స్టార్ట్ చేసే బ్యాటర్‌గా అత్యంత వేగంగా పదివేల పరుగుల మైలురాయిని చేరిన మొట్టమొదటి ప్లేయర్‌గా రోహిత్ సరికొత్త మార్క్ సెట్ చేశాడు. ఈ ఘనత అందుకోవడానికి సచిన్‌కు 214 ఇన్నింగ్స్‌లు పడితే, రోహిత్ కేవలం 202 ఇన్నింగ్స్‌ల్లోనే దాన్ని బ్రేక్ చేసి టాప్‌లోకి దూసుకెళ్లాడు.
అంతేకాదు, సిక్సర్ల కొట్టడంలోనూ రోహిత్ తగ్గేదేలే అన్నట్టు ముందుకు సాగాడు. కరీబియన్ టీమ్‌పై మూడు ఫార్మాట్లలో కలిపి ఏకంగా 100 సిక్సర్లు కొట్టిన తొలి క్రికెటర్‌గా నిలిచాడు. కేవలం 68 మ్యాచుల్లోనే ఈ సెంచరీ కొట్టగా, ఇందులో వన్డేల్లో బాదినవే 47 సిక్స్‌లు ఉండటం గమనార్హం.
ఈ మ్యాచ్‌లో 85 బంతులు ఎదుర్కొన్న రోహిత్ 10 ఫోర్లు, 3 భారీ సిక్సర్లతో దుమ్ముదులిపి 92 పరుగులు చేసి ఔటయ్యాడు. కేవలం 8 రన్స్ తేడాతో సెంచరీ చేజారినా.. టీమ్‌‌కు సాలిడ్ స్కోరు అందించాడు. మరో ఎండ్‌లో రుతురాజ్ గైక్వాడ్ 57 రన్స్ చేయగా.. గిల్ (1), విరాట్ (0) డకౌట్ అయి డిజప్పాయింట్ చేశారు. 31 ఓవర్లు ముగిసే సమయానికి భారత్ 4 వికెట్లు కోల్పోయి 184 పరుగులు చేసింది. కేఎల్ రాహుల్ (18), నమన్ ధీర్ (9) ప్రస్తుతం ఆడుతున్నారు.
