Mega 158: మెగాస్టార్ చిరంజీవి, టాలెంటెడ్ డైరెక్టర్ బాబీ కొల్లి కాంబినేషన్లో రూపొందుతున్న ప్రతిష్టాత్మకమైన చిత్రం ‘మెగా 158’. ప్రస్తుతం ఈ సినిమా షూటింగ్ హైదరాబాద్ పరిసర ప్రాంతాలలో శరవేగంగా జరుగుతోంది. ఈ మధ్యనే చిత్రబృందం పొల్లాచ్చి లోని అందమైన లొకేషన్స్ లో షెడ్యూల్ ని పూర్తి చేసింది. తాజా షెడ్యూల్ లో ప్రముఖ యాక్షన్ కొరియోగ్రాఫర్స్ రామ్-లక్ష్మణ్ మాస్టర్స్ నేతృత్వంలో వందల మంది ఫైటర్లతో ఓ భారీ యాక్షన్ సీక్వెన్స్ను చిత్రీకరిస్తున్నాడు బాబీ.
కోలీవుడ్ అగ్ర నిర్మాణ సంస్థలలో ఒకటైన కేవీఎన్ ప్రొడక్షన్స్ భారీ బడ్జెట్తో నిర్మిస్తున్న ఈ మూవీలో చిరంజీవి సరికొత్త ఇంటెన్స్ లుక్లో కనిపించనున్నారని ఇంతకముందు వచ్చిన వీడియో లుక్లో తెలిసింది. ఇక, ఆగస్టు 22న చిరు పుట్టినరోజు సందర్భంగా ఈ సినిమా టైటిల్ తో పాటుగా టీజర్ ను విడుదల చేయనున్నారు.
'మెగా 158' మూవీ నుంచి చిరంజీవి లుక్ బయటకు రాకుండా దర్శకుడు బాబీ చాలా జాగ్రత్తలు తీసుకుంటున్నాడు. బ్లడీ బెంచ్ మార్క్ అంటూ మెగాస్టార్ ను కొత్త కోణంలో చూస్తారట. అయితే, లుక్ విషయంలో ఏమాత్రం లీకులు బయటకు రావడం లేదు. ఇక, ఈ సినిమాలో నివేదా పేతురాజ్, మలయాళ నటి అనశ్వర రాజన్ కీలక పాత్రలు చేస్తున్నారు. మొదటి షెడ్యూల్ లో చిరు, అనస్వర రాజన్ లపై సీన్స్ ని షూట్ చేశారు.
చిరంజీవి సరసన ఆస్కార్ అవార్డ్ విన్నర్ ప్రియమణి నటిస్తుండగా, మ్యూజిక్ సెన్షేషన్ ఎస్ ఎస్ థమన్ సంగీతం అందిస్తున్నాడు. దీని, తర్వాత నాని నిర్మాణంలో శ్రీకాంత్ ఓదెల దర్శకత్వం వహించనున్న సినిమాను చేయనున్నారు మెగాస్టార్. గత చిత్రం మన శంకరవరప్రసాద్గారు సినిమాతో చిరు బాక్సాఫీస్ వద్ద ఎలాంటి కమర్షియల్ సక్సెస్ను అందుకున్నారో అందరికీ తెలిసిందే.
