డిజిటల్ మీడియా రంగం రోజురోజుకూ కొత్త రూపాన్ని సంతరించుకుంటోంది. ఒకప్పుడు వార్తలు, కథనాలు అందించడమే ప్రధాన లక్ష్యంగా ఉన్న వెబ్‌సైట్లు.. ఇప్పుడు పాఠకుడి అనుభవానికి పెద్దపీట వేస్తున్నాయి. అందుకు అనుగుణంగా వెబ్సైట్ డిజైన్లలోనూ భారీ మార్పులు కనిపిస్తున్నాయి.
మొబైల్‌ ఫోన్ల వినియోగం పెరగడంతో మొబైల్‌ ఫ్రెండ్లీ డిజైన్లకు ప్రాధాన్యం పెరిగింది. తక్కువ సమయంలో ఎక్కువ సమాచారాన్ని అందించేలా క్లీన్‌ లేఅవుట్, స్పష్టమైన ఫాంట్లు, ఆకర్షణీయమైన విజువల్స్‌, షార్ట్‌ వీడియోలు, ఫోటో గ్యాలరీలకు వెబ్‌సైట్లు ప్రాధాన్యం ఇస్తున్నాయి.
అదే సమయంలో పాఠకుడు వెబ్‌సైట్‌లోకి వచ్చిన వెంటనే తనకు కావాల్సిన సమాచారాన్ని సులభంగా గుర్తించేలా నావిగేషన్‌ వ్యవస్థను కూడా మారుస్తున్నారు. ట్రెండింగ్‌ న్యూస్‌, బ్రేకింగ్‌ న్యూస్‌, లోకల్‌ న్యూస్‌, వీడియోలు, స్పెషల్‌ స్టోరీలను ప్రత్యేకంగా చూపించే విధంగా హోమ్‌పేజీలను డిజైన్‌ చేస్తున్నారు.
వేగం కూడా వెబ్సైట్ డిజైన్‌లో కీలక అంశంగా మారింది. పేజీలు త్వరగా ఓపెన్‌ కావడం, తక్కువ డేటాతో కంటెంట్‌ అందుబాటులోకి రావడం, సోషల్ మీడియా నుంచి వచ్చే పాఠకులకు మెరుగైన అనుభూతి కల్పించడం వంటి అంశాలపై డిజిటల్ మీడియా సంస్థలు దృష్టి పెడుతున్నాయి.
మరోవైపు ఆర్టిఫిషియల్‌ ఇంటెలిజెన్స్‌, డేటా అనలిటిక్స్‌ వంటి టెక్నాలజీల ప్రభావంతో పాఠకుల ఆసక్తికి తగ్గట్టుగా కంటెంట్‌ను అందించే ప్రయత్నాలు కూడా పెరుగుతున్నాయి. మొత్తంగా చూస్తే.. డిజిటల్ మీడియాలో పోటీ కేవలం వార్తల విషయంలోనే కాదు.. వాటిని పాఠకుడికి ఎలా చూపిస్తున్నామనే విషయంలోనూ పెరిగింది. అందుకే డిజిటల్ మీడియాలో వెబ్సైట్ డిజైన్‌ ఇప్పుడు పాఠకులను ఆకట్టుకోవడంలో కీలకంగా మారింది..
