Airline Fare Rules: ఫెస్టివల్స్, సమ్మర్ హాలిడేస్ వచ్చాయంటే చాలు.. ఊళ్లకు వెళ్లాలనుకునే వాళ్ల జేబులు ఖాళీ చేసే ఎయిర్‌లైన్స్ కంపెనీల ఆగడాలకు త్వరలోనే ఫుల్‌స్టాప్ పడబోతోంది. 'డైనమిక్ ప్రైసింగ్' పేరు చెప్పి ఫ్లైట్ టికెట్ రేట్లను ఆకాశానికి పెంచేసే ప్రైవేట్ కంపెనీల ఆటలు ఇకపై సాగేలా లేవు. ప్యాసింజర్స్ ఇబ్బందులను దృష్టిలో పెట్టుకుని సెంట్రల్ గవర్నమెంట్ కొత్త ఎయిర్‌ఫేర్ రూల్స్‌ను ఫైనల్ చేసింది. సుప్రీంకోర్టు సీరియస్ అవ్వడంతో సివిల్ ఏవియేషన్ మినిస్ట్రీ ఈ కొత్త గైడ్‌లైన్స్‌ను రెడీ చేసింది. త్వరలోనే అఫిషియల్ గెజిట్ నోటిఫికేషన్‌తో ఇవి అమల్లోకి రానున్నాయి.
సుప్రీంకోర్టు ఎంట్రీతో సీన్ రివర్స్
డిమాండ్ పేరుతో ప్రైవేట్ ఎయిర్‌లైన్స్ కామన్ మ్యాన్‌ను ఎలా లూటీ చేస్తున్నాయో వివరిస్తూ సోషల్ యాక్టివిస్ట్ ఎస్.లక్ష్మీనారాయణ సుప్రీంకోర్టులో పిల్ వేశారు. దీనిపై విచారణ జరిపిన కోర్టు.. ఎయిర్‌లైన్స్ కంపెనీల తీరుపై తీవ్ర ఆగ్రహం వ్యక్తం చేసింది. టికెట్ ధరలను కంట్రోల్ చేసేందుకు పక్కా రూల్స్ తీసుకురావాలని ఆర్డర్ వేయడంతో గవర్నమెంట్ దిగొచ్చి ఈ కొత్త పాలసీని తీసుకొచ్చింది.
లగేజ్, సీట్ సెలక్షన్ ఎక్స్‌ట్రా ఛార్జీలకు చెక్
ఈ కొత్త రూల్స్ వల్ల కేవలం బేస్ టికెట్ రేట్లు తగ్గడమే కాదు.. రకరకాల పేర్లతో పడే హిడెన్ ఛార్జీల భారం కూడా దిగిరానుంది. నచ్చిన సీట్ బుక్ చేసుకోవడానికి వసూలు చేసే సీట్ సెలక్షన్ ఫీజులు, ఎక్స్‌ట్రా లగేజ్ పేరుతో వేసే బాదుడుకు గవర్నమెంట్ కత్తెర వేయనుంది. ఇకపై టికెట్ ప్రైసింగ్‌లో ఎయిర్‌లైన్స్ కంపెనీలు కంప్లీట్ ట్రాన్స్‌పరెన్సీ మెయింటైన్ చేయాల్సిందే. ఫ్లైట్స్ క్యాన్సిల్ అయినా, లేదా కావాలని ఫేక్ డిమాండ్ క్రియేట్ చేసి ప్రైసెస్ పెంచేసినా.. గవర్నమెంట్ నేరుగా ఎంటర్ అయి రేట్లను కంట్రోల్ చేసే పవర్స్ కొత్త రూల్స్‌లో ఇచ్చారు.
ఈ కొత్త రూల్స్‌కు ఆల్రెడీ అడ్మినిస్ట్రేటివ్ అప్రూవల్ వచ్చేసిందని, అతి త్వరలోనే గెజిట్ నోటిఫికేషన్ రాబోతుందని సెంట్రల్ గవర్నమెంట్ సుప్రీంకోర్టుకు క్లియర్‌గా చెప్పింది. ఈ రూల్స్ అమల్లోకి వస్తే రెగ్యులర్‌గా ఫ్లైట్స్ ట్రావెల్ చేసే వాళ్లకు వేల కోట్ల రూపాయలు ఆదా అవ్వడం గ్యారెంటీ అని చెబుతున్నారు.
