దేశీయ బులియన్ మార్కెట్‌లో సెప్టెంబర్ 25 శుక్రవారం ఉదయం బంగారం, వెండి కొనుగోలుదారులకు కొద్దిగా ఉపశమనం లభించింది. పసిడి మరియు వెండి ధరలు స్వల్పంగా తగ్గుముఖం పట్టాయి. ప్రధాన నగరాల్లో ఉదయం 7:00 గంటల సమయానికి ఉన్న సమాచారం ప్రకారం, మేలిమి బంగారం (24 క్యారెట్లు) 10 గ్రాములకు రూ. 1,52,670 వద్ద ట్రేడ్ అవుతోంది.
ఆభరణాల తయారీకి ఉపయోగించే 22 క్యారెట్ల 10 గ్రాముల బంగారం ధర రూ. 1,39,940 గా నమోదైంది. అలాగే 18 క్యారెట్ల పసిడి ధర రూ. 1,14,500 వద్ద కొనసాగుతోంది. మరోవైపు వెండి ధరల్లోనూ స్వల్ప ఊరట లభించింది. కిలో వెండిపై రూ. 100 మేర ధర తగ్గడంతో రెండు తెలుగు రాష్ట్రాల్లోనూ కిలో వెండి ధర రూ. 2,44,900 వద్ద స్థిరపడింది.
తెలంగాణలోని హైదరాబాద్, నిజామాబాద్, ఖమ్మం, వరంగల్ నగరాలతో పాటు ఆంధ్రప్రదేశ్‌లోని విజయవాడ, విశాఖపట్నం, గుంటూరు, నెల్లూరు, తిరుపతి వంటి ప్రధాన ప్రాంతాల్లోనూ పసిడి, వెండి ధరలు ఒకే రీతిలో నమోదు కావడం గమనార్హం. దేశంలోని ఇతర ప్రధాన నగరాల విషయానికొస్తే.. ముంబై, బెంగళూరు, కేరళ మరియు కోల్‌కతా ప్రాంతాల్లో 24 క్యారెట్ల బంగారం ధర 10 గ్రాములకు రూ. 1,52,670 గా కొనసాగుతోంది.
జాతీయ రాజధాని ఢిల్లీలో 24 క్యారెట్ల పసిడి రూ. 1,52,820 వద్ద ట్రేడ్ అవుతుండగా, అహ్మదాబాద్‌లో రూ. 1,52,720 గా ఉంది. రాబోయే పండుగల వేళ ధరలు కొద్దిగా దిగిరావడం వినియోగదారులకు కొంత ఊరటనిచ్చే అంశం.
