SS RAJAMOULI: టాలీవుడ్ చరిత్రలోనే అత్యంత భారీ కాంబినేషన్గా రూపుదిద్దుకుంటున్న గ్లోబల్ అడ్వెంచర్ మూవీ ‘వారణాసి’. జక్కన్న బ్రాండ్, సూపర్ స్టార్ మహేష్ బాబు స్క్రీన్ ప్రెజెన్స్ కలవడంతో ఈ సినిమాపై అంచనాలు ఆకాశాన్ని తాకుతున్నాయి. సుమారు రూ.1400 కోట్ల భారీ బడ్జెట్తో, సరిహద్దులు దాటి అంతర్జాతీయ స్థాయిలో తెరకెక్కుతున్న ఈ సినిమా గురించి తాజాగా ఒక సెన్సేషనల్ న్యూస్ ఫిల్మ్నగర్ సర్కిల్స్లో హాట్ టాపిక్గా మారింది. ఈ చిత్రంలో ఎవరూ ఊహించని విధంగా యంగ్ టైగర్ ఎన్టీఆర్ వారసుడు ఎంట్రీ ఇవ్వబోతున్నాడనే ప్రచారం జోరందుకుంది.
ఈ సైన్స్ ఫిక్షన్ ఎపిక్ డ్రామాలో మహేష్ బాబు పోషిస్తున్న 'రుద్ర' అనే పవర్ఫుల్ క్యారెక్టర్ చిన్ననాటి పాత్ర చాలా కీలకం కానుందట. ఈ రోల్ కోసమే రాజమౌళి ఒక మాస్టర్ ప్లాన్ వేశారని తెలుస్తోంది. జూనియర్ ఎన్టీఆర్ చిన్న కుమారుడు అభయ్ రామ్ అయితే ఈ పాత్రకు పర్ఫెక్ట్గా సూట్ అవుతాడని జక్కన్న భావించారట. రాజమౌళితో ఉన్న సాన్నిహిత్యం, అలాగే మహేష్ స్వయంగా మాట్లాడటంతో తారక్ కూడా ఈ క్రేజీ ప్రయోగానికి వెంటనే గ్రీన్ సిగ్నల్ ఇచ్చినట్లు టాక్ వినిపిస్తోంది. ఒకే స్క్రీన్పై మహేష్ బాబు క్యారెక్టర్ను తారక్ కొడుకు రూపంలో చూడటం అంటే ఇరు వర్గాల అభిమానులకు అంతకంటే పెద్ద పండగ మరొకటి ఉండదు.
ఇక కేవలం అడ్వెంచర్ మాత్రమే కాకుండా, టైమ్ ట్రావెల్, పురాణాల కలయికతో ఈ చిత్రాన్ని అద్భుతంగా మలుస్తున్నారు రాజమౌళి. త్రేతాయుగం నుండి కలియుగం వరకు వేల సంవత్సరాల కాల గమనాన్ని చూపిస్తూ సాగే ఈ కథలో మహేష్ బాబు 'రుద్ర', 'శ్రీరాముడు'గా ద్విపాత్రాభినయం చేస్తున్నట్లు ఇన్సైడ్ టాక్. గ్లోబల్ బ్యూటీ ప్రియాంక చోప్రా, మాలీవుడ్ స్టార్ పృథ్వీరాజ్ సుకుమారన్, ప్రకాష్ రాజ్ వంటి భారీ తారాగణంతో ఆఫ్రికా, అంటార్కిటికా, వారణాసి వంటి విభిన్న లొకేషన్లలో ఈ విజువల్ వండర్ రూపుదిద్దుకుంటోంది.
ఆస్కార్ విజేత ఎం.ఎం. కీరవాణి సంగీతం అందిస్తున్న ఈ చిత్రం షూటింగ్ ప్రస్తుతం శరవేగంగా సాగుతోంది. మేజర్ యాక్షన్ ఎపిసోడ్స్ అన్నీ ఇప్పటికే పూర్తయ్యాయి. వచ్చే ఏడాది ఉగాది కానుకగా ఏప్రిల్ 7న ఈ సినిమాను వరల్డ్ వైడ్గా రిలీజ్ చేయడానికి మేకర్స్ సన్నాహాలు చేస్తున్నారు. ఏదేమైనా, ఎన్టీఆర్ వారసుడి ఎంట్రీ గురించిన వార్త సినిమాపై హైప్ను నెక్స్ట్ లెవెల్కి తీసుకెళ్లింది. అయితే, ఈ బిగ్గెస్ట్ సర్ప్రైజ్పై మూవీ టీమ్ నుండి అధికారిక ముద్ర పడాల్సి ఉంది.
