మాజీ సీఎం, బీఆర్ఎస్ పార్టీ అధ్యక్షుడు కేసీఆర్ కీలక నిర్ణయం తీసుకున్నారు. రాజ్యసభలో బీఆర్ఎస్ ఫ్లోర్ లీడర్గా, పార్లమెంటరీ పార్టీ లీడర్గా ఎంపీ వద్దిరాజు రవిచంద్రను నియమిస్తూ పార్టీ అధినేత కే చంద్రశేఖర్ రావు (KCR) కీలక నిర్ణయం తీసుకున్నారు.ఇప్పటివరకు ఆ బాధ్యతల్లో కొనసాగిన సీనియర్ నేత, రాజ్యసభ మాజీ ఎంపీ కేఆర్ సురేష్ రెడ్డి పదవీ కాలం ముగియడంతో ఆ స్థానంలో వద్దిరాజు రవిచంద్రను ఎన్నకున్నట్టు బీఆర్ఎస్ ప్రకటించింది.
ఈ మేరకు రాజ్యసభ సెక్రెటరీ జనరల్కు కేసీఆర్ అధికారికంగా లేఖ రాశారు.ఈ నియామకం తక్షణమే అమల్లోకి వస్తుందని ఆ లేఖలో స్పష్టం చేశారు.కాగా, రాజ్యసభలో బీఆర్ఎస్ తరపున వద్దిరాజు రవిచంద్ర పార్లమెంట్లో తెలంగాణ, పార్టీ గళాన్ని బలంగా వినిపించనున్నారు. ఇదిలాఉండగా, ప్రస్తుతం రాజ్యసభలో బీఆర్ఎస్ బలం ఆరు నుంచి నాలుగుకు పడిపోయింది. గతంలో కే.కేశరరావు కాంగ్రెస్ పార్టీలో చేరారు. ఆ సమయంలో తన రాజ్యసభ పదవికి రాజీనామా చేశారు. ఏప్రిల్ 2026లో సురేశ్ రెడ్డి పదవీ కాలం ముగిసింది. ప్రస్తుతం బీఆర్ఎస్ రాజ్యసభ ఎంపీలుగా వద్దిరాజు రవిచంద్ర, బండి పార్థసారథి రెడ్డి, దివకొండ దామోదర్ రావు,కంచర్ల రవి కుమార్లు ఉన్నారు.
