YS jagan comments on CBN: ‘నీడను చూసినా భయపడే స్థాయికి చంద్రబాబు..’ టీచర్ల సస్పెన్షన్‌పై జగన్ ఫైర్!

సొంత నీడను చూసినా భయపడే స్థాయికి సీఎం చంద్రబాబు దిగజారారని వైసీపీ అధినేత, మాజీ ముఖ్యమంత్రి వైఎస్ జగన్ మోహన్‌రెడ్డి ఎద్దేవా చేశారు. ఉపాధ్యాయ అర్హత పరీక్ష (టెట్) నిబంధనల నుంచి మినహాయింపు కోరుతూ కేంద్ర ప్రభుత్వ ప్రతినిధులను కలిసిన ఐదుగురు ఉపాధ్యాయులను సస్పెండ్ చేయడంపై ఆయన తీవ్ర ఆగ్రహం వ్యక్తం చేశారు. వైఎస్సార్ కడప, అనంతపురం, శ్రీ సత్యసాయి జిల్లాలకు చెందిన ఉపాధ్యాయులపై చంద్రబాబు ప్రభుత్వం కక్ష సాధింపు చర్యలకు పాల్పడుతోందని సోషల్ మీడియా వేదికగా ధ్వజమెత్తారు.