వివాదంలో శంకర్‌పల్లి సీఐ, ఎస్ఐ.. యువతి సంచలన ఆరోపణలు

Shankarpally Police: రంగారెడ్డి జిల్లా శంకర్ పల్లి సీఐ, ఎస్ఐలు వివాదంలో చిక్కుకున్నారు. ఓ యువతి వారిపై సంచలన ఆరోపణలు చేసింది. మేజర్ అయిన తనను మైనర్ గా చూపి అక్రమ కేసు పెట్టారని యువతి ఆరోపించింది. తన భర్తను తప్పుడు కేసులో అరెస్ట్ చేయడం కోసం పోలీసులు ఇలా చేశారని వాపోయింది. తాను మేజర్ అయినప్పటికీ రికార్డుల్లో మైనర్‌గా చూపి తన భర్తను అక్రమంగా రిమాండ్‌కు తరలించారని ఆమె కన్నీటిపర్యంతమైంది. శంకర్‌పల్లి సీఐ, ఎస్ఐలు వేధిస్తున్నారంటూ శివానీ అనే యువతి విడుదల చేసిన సెల్ఫీ వీడియో కలకలం రేపుతోంది.