యాదాద్రి పవర్ ప్లాంట్ చీఫ్ ఇంజినీర్‌పై సస్పెన్షన్ వేటు

Suspension: విద్యుత్ సరఫరాలో అంతరాయాలు, కోతలపై సీఎం రేవంత్ సీరియస్ గా ఉన్న సంగతి తెలిసిందే. అధికారుల పనితీరుపై ఆయన ఆగ్రహం వ్యక్తం చేశారు. ఈ క్రమంలో కీలక పరిణామం చోటు చేసుకుంది. నల్గొండ జిల్లాలోని యాదాద్రి థర్మల్ పవర్ ప్లాంట్ లో కీలక అధికారిపై సస్పెన్షన్ వేటు పడింది. వైటీపీఎస్ స్టేజ్ వన్ చీఫ్ ఇంజినీర్ సురేష్ పై టీజీ జెన్ కో చర్యలు తీసుకుంది. ఆయనను సస్పెండ్ చేస్తూ జెన్ కో సీఎండీ హరీశ్ ఆదేశాలు జారీ చేశారు. ఎనర్జీ సెక్రటరీ ఆదేశాల మేరకు సీఎండీ హరీశ్ ఈ ఉత్తర్వులు ఇచ్చారు. విధుల పట్ల నిర్లక్ష్యం, పర్యవేక్షణలో లోపాలు, పనుల పురోగతిపై సమన్వయ లోపాలు ఉన్నట్లు ఆరోపణలు రావడంతో ఈ నిర్ణయం తీసుకున్నారు.