కేసీఆర్ ఏ మొహం పెట్టుకుని పాదయాత్ర చేస్తారు : మంత్రి ఉత్తమ్

శాసనసభ ప్రాంగణంలో నీటి పారుదల, పౌరసరఫరాల శాఖ మంత్రి ఉత్తమ్ కుమార్ రెడ్డి మీడియాతో చిట్‌చాట్ నిర్వహించారు. నిన్న మాజీ సీఎం కేసీఆర్ చేసిన వ్యాఖ్యలకు ఈ సందర్భంగా స్ట్రాంగ్ కౌంటర్ ఇచ్చారు. కేసీఆర్ లక్ష మందితో కాళేశ్వరం పాదయాత్ర చేస్తానని అంటున్నారు. అలా చేస్తే ప్రజలు నవ్వుతారని చెప్పారు.మేడిగడ్డ పియర్లు కుంగిన ప్రాజెక్టు వద్దకు కేసీఆర్‌ ఏ ముఖంతో వెళ్తారని ప్రశ్నించారు.రాష్ట్రంలో సాగు నీటి సమస్యకు ఎల్‌నినోతో పాటు కేసీఆర్‌ పాలనా వైఫల్యమే కారణమన్నారు. నీటి కష్టాలపై మాట్లాడే ముందు తన పదేళ్ల పాలనపై కేసీఆర్‌ సమాధానం చెప్పాలని డిమాండ్ చేశారు.