కేసీఆర్ చనిపోవాలని కోరుకోవడం తప్పు: కాంగ్రెస్ ఎమ్మెల్యే దానం నాగేందర్

బీఆర్‌ఎస్ అధినేత, మాజీ ముఖ్యమంత్రి కల్వకుంట్ల చంద్రశేఖర్‌రావు ఆరోగ్యం, వ్యక్తిగత అంశాలపై తోటి కాంగ్రెస్ నాయకులు చేసిన వ్యాఖ్యలపై ఖైరతాబాద్ కాంగ్రెస్ ఎమ్మెల్యే దానం నాగేందర్ తీవ్ర అభ్యంతరం వ్యక్తం చేశారు. కేసీఆర్ చనిపోవాలని ఏ ఒక్కరూ కోరుకోవడం కరెక్ట్ కాదని ఆయన స్పష్టం చేశారు. సొంత పార్టీకి చెందిన షాద్‌నగర్ ఎమ్మెల్యే వీర్లపల్లి శంకర్ చేసిన వివాదాస్పద వ్యాఖ్యలను తప్పుబడుతూ దానం నాగేందర్ ఆయనకు బహిరంగంగానే గట్టి చురకలంటించారు.