కాంగ్రెస్‌లో మంత్రులు వర్సెస్ ఎంపీ, ఎమ్మెల్యే!

అధికార కాంగ్రెస్ పార్టీలో మరోసారి నేతల మధ్య విభేదాలు భగ్గుమన్నాయి. ‘నువ్వెంత అంటే నువ్వెంత’ అనే స్థాయిలో సీనియర్, జూనియర్ లీడర్ల మధ్య కోల్డ్ వార్ నడుస్తున్నట్టు తెలుస్తోంది. విషయం బయటకు రాకుండా సీనియర్లు జాగ్రత్త పడితే జూనియర్లు మాత్రం చేయని తప్పుకు తామేందుకు శిక్ష అనుభవించాలని అసలు విషయాన్ని బయట పెట్టినట్టు తెలిసింది. రాష్ట్రంలో పార్టీ అధికారంలోకి వచ్చి మూడేండ్లు పూర్తయింది. అయినప్పటికీ నేతల మధ్య వివాదాలు మాత్రం సద్దుమణగడం లేదు. పదవులు, హోదాల కోసం, పార్టీలో పైచేయి సాధించేందుకు కొందరు జూనియర్లు ప్రయత్నిస్తుంటే సీనియర్లు అడ్డుపడుతున్నట్టు ప్రచారం జరుగుతోంది.