సీఎం స్వగ్రామంలో రైతుల మెరుపు ధర్నా!

 సీఎం రేవంత్‌రెడ్డి స్వగ్రామమైన నాగర్‌కర్నూల్ జిల్లా కొండారెడ్డిపల్లి సమీపంలో శ్రీశైలం-హైదరాబాద్ జాతీయ రహదారిపై రైతులు అకస్మాత్తుగా మెరుపు ధర్నా చేపట్టారు. తమ పొలాలకు సరిపడా విద్యుత్, సాగునీరు అందక పంటలు ఎండిపోతున్నాయని రైతన్నలు తీవ్ర ఆవేదన వ్యక్తం చేశారు. ‘పంటలన్నీ ఎండిపోయే’ అంటూ పాటలు పాడుతూ రోడ్డుపై బైఠాయించి ప్రభుత్వంపై తమ తీవ్ర నిరసనను వ్యక్తం చేశారు. రైతుల ఆందోళన కారణంగా జాతీయ రహదారిపై ఇరువైపులా కిలోమీటర్ల మేర వాహనాలు నిలిచిపోయి తీవ్ర ట్రాఫిక్ జాం ఏర్పడింది.