whatsapp: ఫోన్‌లో సిమ్ లేకపోతే ఇక వాట్సాప్ బంద్..

whatsapp: వాట్సాప్, టెలిగ్రామ్ లాంటి మెసేజింగ్ యాప్‌లను ఉపయోగించే వారికి కేంద్ర ప్రభుత్వం గట్టి ఝలక్ ఇచ్చేందుకు సిద్ధమైంది. మొబైల్ నుంచి సిమ్ కార్డు తీసేసినా, లేదా కేవలం వైఫై కనెక్షన్‌తో ఫోన్లు, ట్యాబ్‌లలో వాట్సాప్ నడిపించే పద్ధతికి త్వరలోనే కాలం చెల్లనుంది. 'సిమ్ బైండింగ్' పేరిట సరికొత్త రూల్స్‌ను ప్రభుత్వం ప్రతిపాదించింది. దీని ప్రకారం, మీ వాట్సాప్ అకౌంట్ ఏ నంబర్‌తో రిజిస్టర్ అయి ఉందో.. ఆ సిమ్ కార్డు తప్పనిసరిగా అదే ఫోన్‌లో యాక్టివ్‌గా ఉంటేనే యాప్ పనిచేస్తుంది. ఈ నిబంధనలను పాటించేందుకు మెసేజింగ్ సంస్థలకు 2026 డిసెంబర్ 31 వరకు గడువు ఇచ్చారు. అంటే, 2027 జనవరి 1 నుంచి ఈ రూల్స్ కచ్చితంగా అమల్లోకి రానున్నాయి.