‘నా తల్లిని అవమానించడంపై ఏం చెబుతారు?’.. హరీశ్‌రావును సూటిగా నిలదీసిన స్పీకర్!

 తెలంగాణ శాసనసభ వర్షాకాల సమావేశాలు రెండో రోజు కూడా అత్యంత ఉద్రిక్తంగా, వాడీవేడిగా సాగుతున్నాయి. స్పీకర్ గడ్డం ప్రసాద్‌ను ఉద్దేశించి బీఆర్ఎస్ ఎమ్మెల్సీ తాతా మధు తీవ్ర అనుచిత వ్యాఖ్యలు చేశారనే ఆరోపణల వ్యవహారం సభలో ప్రకంపనలు సృష్టిస్తోంది. ఈ అంశంపై అసెంబ్లీలో తీవ్రస్థాయి చర్చ జరుగుతున్న సమయంలో, బీఆర్ఎస్ ముఖ్య నేత, మాజీ మంత్రి తన్నీరు హరీశ్‌రావుకు, స్పీకర్ గడ్డం ప్రసాద్‌ కుమార్‌కు మధ్య తీవ్ర వాగ్వాదం చోటుచేసుకుంది.