విమాన ప్రమాదం దర్యాప్తులో భాగమవుతాం: పైలట్ల విజ్ఞప్తి!

 గతేడాది దేశవ్యాప్తంగా తీవ్ర దిగ్భ్రాంతిని కలిగించిన ఎయిర్ ఇండియా ఏఐ-171 విమాన ప్రమాద దర్యాప్తు వ్యవహారంలో కీలక పరిణామం చోటుచేసుకుంది. ఈ ఘోర దుర్ఘటనకు సంబంధించిన తుది దర్యాప్తు నివేదికను ఖరారు చేసే క్రమంలో తమ సాంకేతిక సూచనలను కూడా పరిగణనలోకి తీసుకోవాలని 'ఫెడరేషన్ ఆఫ్ ఇండియన్ పైలట్స్' (FIP) కేంద్ర ప్రభుత్వాన్ని కోరింది. ఈ నివేదిక సమీక్ష కోసం ప్రభుత్వం ఏదైనా స్వతంత్ర కమిటీని ఏర్పాటు చేస్తే, అందులో పైలట్ల సంఘానికి 'స్వతంత్ర సాంకేతిక భాగస్వామి'గా స్థానం కల్పించాలని విజ్ఞప్తి చేసింది.