జగన్‌కు నమ్మకద్రోహం చేయలేదు, చేయను

Vijaya Sai Reddy: ఏపీ మాజీ సీఎం, వైసీపీ చీఫ్ జగన్ కు విజయసాయిరెడ్డి బహిరంగ లేఖ రాశారు. అనేక రకాల అంశాలను అందులో ప్రస్తావించారు. నమ్మక ద్రోహి అంటూ వైసీపీ కోటరీ తనపై గోబెల్స్ ప్రచారం చేస్తోందని ఆయన వాపోయారు. జగన్ కు తాను వెన్నుపోటు పొడిచానని చేస్తున్న ప్రచారంలో నిజం లేదన్నారు. తాను జగన్ కు ఎన్నడూ నమ్మకద్రోహం చేయలేదు, చేయనని విజయసాయిరెడ్డి చెప్పారు.

జగన్ తో పాటు ప్రతి చార్జిషీట్ లోనూ తనను ఏ2గా చేర్చారని ఆయన గుర్తు చేశారు. జగన్ 16 నెలలు జైల్లో ఉంటే తాను 15 నెలలు జైల్లో ఉన్నానని లేఖలో పేర్కొన్నారు. తనకు సంబంధం లేని లిక్కర్ స్కామ్ లో తనను ఏ5గా చేర్చారని విజయసాయిరెడ్డి వాపోయారు. తాను నమ్మకద్రోహానికి పాల్పడి ఉంటే ఏనాడో అప్రూవర్ గా మారేవాడినని విజయసాయిరెడ్డి అన్నారు.