కొంగరఖుర్దులో అక్రమ లేఅవుట్ల కలకలం.. ఆదిభట్ల పోలీస్ స్టేషన్‌లో కేసు నమోదు

రంగారెడ్డి జిల్లా మహేశ్వరం మండలం కొంగరఖుర్దు గ్రామంలో భూకబ్జా యత్నాలు, అక్రమ లేఅవుట్ల వ్యవహారంపై బాధితుల ఫిర్యాదు మేరకు ఆదిభట్ల పోలీస్ స్టేషన్‌లో కేసు నమోదైంది. కోర్టు కేసులు పెండింగ్‌లో ఉన్న భూములకు నకిలీ ఓఆర్‌సీ (ORC) పత్రాలు, ఫోర్జరీ సంతకాలు సృష్టించి విక్రయాలకు తెగబడుతున్న కబ్జాదారులపై పోలీసులు చట్టపరమైన చర్యలకు శ్రీకారం చుట్టారు. బాధితులు తెలిపిన వివరాల ప్రకారం, గతంలోనే ఈ అక్రమాలపై పోలీసులకు ఫిర్యాదు చేయగా, విచారణ చేపట్టిన అధికారులు తాజాగా కేసు నమోదు చేసి కేసు దర్యాప్తును వేగవంతం చేశారు.