పెళ్లి కష్టం బ్రో.. విడాకులు చాలా సులభం!

కాలం మారింది, రోజులు మారాయి, పెళ్లిబంధానికి బీటలు వారాయి. పెద్ద పెద్ద కారణాలు అవసరం లేదు. చిన్న చిన్న మనస్పర్దలు, ఇగోలు చాలు. నా మాటే వినాలని భర్త..లేదు నా మాటే వినాలని భార్య వాదించడం.. పెళ్లయ్యాక ఉమ్మడి కుటుంబంతో కలిసి ఉండటం కంటే వేరు కాపురం పెట్టాలని అమ్మాయి కండిషన్స్ పెట్టడం, వారి కుటుంబానికే అధికప్రాధాన్యత ఇవ్వాలనుకోవడం, భర్త సంపాదనలో భాగం కోరడం, తన సంపాదనలో వేలు పెట్టొద్దనడం, వ్యక్తిగత స్వేచ్ఛ, ప్రైవసీ వంటి కారణాలతో ముడు ముళ్లతో ఒక్కటైన బంధాలు .. కొన్నాళ్లకే విడాకుల కోసం కోర్టు మెట్లు ఎక్కుతున్నాయి.విడాకుల కోసం పోటీ పడుతున్న జంటల్లో కొన్ని సార్లు అమ్మాయి సైడ్, మరికొన్ని సందర్భాల్లో అబ్బాయి సైడ్ తప్పులు ఉంటున్నట్టు తెలుస్తోంది.