విషాదం.. కోతుల గుంపు వెంబడించడంతో 12ఏళ్ల బాలుడి మృతి!

సూర్యాపేట జిల్లా నడిగూడెం మండలం వల్లాపురం గ్రామంలో తీవ్ర విషాదకర ఘటన చోటుచేసుకుంది. ఊహించని రీతిలో కోతుల గుంపు ఒక్కసారిగా వెంబడించడంతో తీవ్రమైన భయాందోళనకు గురై, గుండె ఆగి ఓ 12 ఏళ్ల బాలుడు ప్రాణాలు కోల్పోయాడు. స్థానికులు, పోలీసుల సమాచారం ప్రకారం.. వల్లాపురం గ్రామానికి చెందిన మొక్క వీరబాబు దంపతులు ఉపాధి నిమిత్తం హైదరాబాద్‌లో నివాసముంటున్నారు. వీరి కుమారుడు మొక్క నిశాంత్ గౌడ్ (12) దసరా సెలవులను ఆనందంగా గడిపేందుకు అమ్మమ్మ ఇంటికి వచ్చాడు.