వ్యాపారుల దందా.. ప్రైవేటు గోదాముల్లో బియ్యం అక్రమ నిల్వలు!

రాష్ట్రంలో సన్నబియ్యం ధరలు ఆకాశాన్నంటాయి. బియ్యం ధరలు ఇంతలా ఎందుకు పెరిగాయని అడిగితే సరఫరా లేదని, ఎల్ నినో ప్రభావం అని వ్యాపారులు చెబుతున్నారు. ప్రభుత్వం మాత్రం బియ్యం ధరల పెరుగుదల మీద ఏ మాత్రం స్పందించడం లేదు. సామాన్యుడి వంటిల్లు తగలబడిపోతున్నా ఎటువంటి చర్యలు తీసుకోకపోవడం సర్కారు చేతగానితనాన్ని సూచిస్తోందని పలువురు విమర్శలు గుప్పిస్తున్నారు. ఓవైపు పీడీఎస్ రైస్ టన్నుల కొద్దీ పక్కదారి పడుతున్నా అడ్డుకోలేని సర్కార్ బియ్యం రేట్లు పెరగడానికి ఎల్ నినో కారణమని చెబుతోంది.