ఆ ఇద్దరు కాంగ్రెస్‌ను మళ్లీ అధికారంలోకి తెస్తారు: మంత్రి శ్రీధర్ బాబు

తెలంగాణలో ముఖ్యమంత్రి రేవంత్ రెడ్డి, టీపీసీసీ అధ్యక్షుడు మహేశ్ కుమార్ గౌడ్‌ల మధ్య అత్యుత్తమ పరిపాలనా, రాజకీయ సమన్వయం ఉందనడంలో ఎలాంటి సందేహం లేదని రాష్ట్ర శాసనసభా వ్యవహారాల శాఖ మంత్రి శ్రీధర్ బాబు స్పష్టం చేశారు. ప్రభుత్వ విజన్, పార్టీ నిర్మాణం ఒకే దిశలో వేగంగా పయనిస్తున్నాయని వెల్లడించారు. రాబోయే శాసనసభ ఎన్నికల్లో వీరిద్దరి సమర్థవంతమైన నాయకత్వంలోనే కాంగ్రెస్ పార్టీ తెలంగాణలో మళ్లీ ఘన విజయం సాధించి తిరిగి అధికారంలోకి రావడం ఖాయమని ఆయన తీవ్ర ధీమా వ్యక్తం చేశారు.