ఆస్తి పిచ్చికి పరాకాష్ట.. మరణించిన తండ్రి వేలిముద్రలతో దారుణం!

ఆస్తి పిచ్చి మనుషుల మధ్య రక్తసంబంధాలను ఎంతగా దిగజారుస్తుందో నిరూపించే అత్యంత దారుణమైన ఘటన ఉత్తరప్రదేశ్‌లో వెలుగు చూసింది. బతికి ఉన్నంత కాలం కంటికి రెప్పలా చూసుకోవాల్సిన కన్న తండ్రిని కనికరం లేకుండా ఇంట్లో నుంచి గెంటేసిన ఒక కొడుకు, ఆయన మరణించిన తర్వాత కూడా ఆస్తి కోసం దయ్యంలా మారాడు. ఆఖరికి తండ్రి మృతదేహాన్ని కూడా వదలకుండా ఖాళీ కాగితాలపై ఆయన వేలిముద్రలను తీసుకుంటూ అడ్డంగా దొరికిపోయాడు. లక్నో సమీపంలోని ఖరౌహా గ్రామంలో చోటుచేసుకున్న ఈ అమానుష దృశ్యాలు ప్రస్తుతం సోషల్ మీడియాలో తీవ్ర కలకలం రేపుతున్నాయి.