ఏఐ ఎఫెక్ట్.. స్మార్ట్‌ఫోన్ల ధరలు పైపైకి.. సామాన్యులపై పెనుభారం!

ఆర్టిఫిషియల్ ఇంటెలిజెన్స్ (AI) సాంకేతికత విశ్వవ్యాప్తంగా విస్తరిస్తున్న కొద్దీ దాని ప్రభావం ప్రతికూలంగా సామాన్య స్మార్ట్‌ఫోన్ వినియోగదారుల జేబులపై పడనుంది. గ్లోబల్ రీసెర్చ్, ఇన్వెస్ట్‌మెంట్ సంస్థ 'జెఫరీస్' (Jefferies) విడుదల చేసిన తాజా నివేదిక ప్రకారం, రాబోయే రోజుల్లో కొత్తగా లభించే బడ్జెట్ ఆండ్రాయిడ్ స్మార్ట్‌ఫోన్ల ధరలు ఏకంగా 30శాతం వరకు పెరగనున్నాయి. జెమిని, చాట్‌జీపీటీ వంటి ఏఐ మోడళ్లను నడిపించేందుకు టెక్ దిగ్గజాలు పెద్ద ఎత్తున డేటా సెంటర్లను నిర్మిస్తుండటం, ఫలితంగా మెమరీ చిప్‌లకు (DRAM & NAND Flash) భారీ కొరత ఏర్పడటమే దీనికి ప్రధాన కారణమని విశ్లేషకులు స్పష్టం చేస్తున్నారు.