లండన్ నుంచి అందుకే భారత్‌కు రాలేకపోతున్నా: విజయ్ మాల్యా

తనను ‘పరారీలో ఉన్న వ్యక్తి’ (Fugitive) అంటూ సోషల్ మీడియా, మీడియాలో వస్తున్న విమర్శలపై ప్రముఖ వ్యాపారవేత్త విజయ్‌ మాల్యా ఘాటుగా స్పందించారు. తాను కావాలని బ్రిటన్‌లో ఉండిపోలేదని, చట్టపరమైన ఆంక్షల వల్లే భారత్‌కు తిరిగి రాలేకపోతున్నానని స్పష్టం చేశారు. 1992 నుంచి తనకు బ్రిటన్‌లో శాశ్వత నివాస హక్కు ఉందని వెల్లడిస్తూ, ఈ వ్యవహారంలో భారత ప్రభుత్వం తన పట్ల ప్రవర్తించిన తీరు అత్యంత తీవ్ర అన్యాయమని సామాజిక మాధ్యమం 'ఎక్స్' (X) వేదికగా ఆరోపించారు.