ఉద్యోగాల పేరుతో వసూళ్లు.. ఎమ్మెల్యే పీఏ అరెస్ట్

TG: ఉద్యోగాలు ఇప్పిస్తామని నిరుద్యోగుల నుంచి డబ్బులు వసూలు చేసి మోసానికి పాల్పడ్డారనే ఆరోపణలపై భద్రాచలం ఎమ్మెల్యే పీఏ కల్యాణ్‌ను పోలీసులు అరెస్ట్‌ చేశారు. భద్రాచలానికి చెందిన రాయల శ్రీను ఇచ్చిన ఫిర్యాదు మేరకు కేసు నమోదు చేసి దర్యాప్తు చేపట్టినట్లు పోలీసులు తెలిపారు. ఈ క్రమంలోనే తాజాగా కల్యాణ్‌ను అదుపులోకి తీసుకున్నట్లు వెల్లడించారు.

కల్యాణ్‌ సుమారు 54 మంది నిరుద్యోగులను ఉద్యోగాల పేరుతో నమ్మించి దాదాపు రూ.8 కోట్ల వరకు వసూలు చేసినట్లు ఆరోపణలు ఉన్నాయి. బాధితుల నుంచి తీసుకున్న మొత్తాలను ఉద్యోగాల కోసం యూజ్ చేయకుండా ఇతర అవసరాలకు మళ్లించినట్లు బాధితుడు తన ఫిర్యాదుల్లో పేర్కొన్నట్లు సమాచారం.