TG: ఉదయం 9.30లోపే బ్రేక్‌ఫాస్ట్, పాలు.. విద్యాశాఖ నూతన మార్గదర్శకాలు!

తెలంగాణ రాష్ట్రంలోని ప్రభుత్వ పాఠశాలల్లో చదువుతున్న విద్యార్థుల అల్పాహార పథకానికి సంబంధించి పాఠశాల విద్యాశాఖ కీలక ఆదేశాలు జారీ చేసింది. పాఠశాలలకు సరఫరా చేసే అల్పాహారం, పాలు పంపిణీ చేసిన తర్వాత, విద్యార్థులందరూ విధిగా ఉదయం 9:30 గంటల లోపే తమ టిఫిన్ తినడం, పాలు తాగే ప్రక్రియను పూర్తి చేయాలని స్పష్టం చేసింది. సమయపాలన పాటిస్తూ విద్యాబోధనకు ఎలాంటి అంతరాయం కలగకుండా చూసేందుకు ఈ నిర్ణయం తీసుకుంది.