ప్రాణాలకు తెగించి నీటి కోసం రైతుల పోరాటం

Jurala Water: ఎండిపోతున్న పంటలను కాపాడుకోవడానికి సాగునీటి కోసం రైతాంగం చేస్తున్న పోరాటం ఉమ్మడి మహబూబ్‌నగర్‌ జిల్లాలో తీవ్ర కలకలం రేపుతోంది. జూరాల ప్రాజెక్టు ఎడమ కాలువకు నీళ్లు విడుదల చేయాలని డిమాండ్ చేస్తూ రైతులు చేపట్టిన ఆందోళన ఉద్రిక్తతకు దారితీసింది. అమరచింత మండల పరిధిలోని జూరాల ఎడమ కాలువ వద్దకు పోనివ్వకుండా రైతాంగాన్ని అడ్డుకునేందుకు అడుగడుగున భారీగా పోలీసులు మోహరించారు.

జూరాల ప్రాజెక్టు వద్దకు చేరుకున్న మక్తల్ మాజీ ఎమ్మెల్యే చిట్టెం రాంమోహన్ రెడ్డిని పోలీసులు అడ్డుకునే ప్రయత్నం చేశారు. ఈ క్రమంలో రైతులు, పోలీసుల మద్య తోపులాట జరిగింది. మక్తల్ మాజీ ఎమ్మెల్యేని పోలీసులు అరెస్ట్ చేసి పోలీస్ స్టేషన్ కు తరలించారు‌. రైతులపై లాఠీచార్జ్ జరపడం ఉద్రిక్తతలకు దారితీసింది.