అసెంబ్లీ వర్షాకాల సమావేశాలకు రంగం సిద్దం.. రేపటి నుంచే మొదలవనున్న సమరం!..

తెలంగాణ అసెంబ్లీ వర్షాకాల సమావేశాలు రేపటి నుంచి ప్రారంభం కానున్నాయి. ఈసారి అసెంబ్లీ సమావేశాలు వాడీవేడిగా జరిగే అవకాశం ఉందని ఇప్పటికే గుత్తా సుఖేందర్ రెడ్డి తెలిపారు. ఈ క్రమంలో పోలీస్, ఇంటెలిజెన్స్ విభాగాలు అప్రమత్తంగా ఉండాలని సూచించారు. అసెంబ్లీ సమావేశాలను విజయవంతంగా నిర్వహించేందుకు సహకరించాలని స్పీకర్ పేర్కొన్నారు. అలాగే అన్నిశాఖల అధికారులను అందుబాటులో ఉంచుతామన్నారు. ఈ సారి అసెంబ్లీలో 21 ఏళ్లకే చట్ట సభలకు పోటీ చేసే అవకాశం కల్పించాలన్న ప్రతిపాదనతో పాటు.. క్యూర్, ల్యాండ్ పూలింగ్, 22ఏ భూములు, భూసేకరణ అంశాలు చర్చకు వచ్చే అవకాశం ఉంది. అలాగే ఆస్తిపన్ను విధానం, హైడ్రా పాత్ర, సాగునీటి ప్రాజెక్టులకు సంబంధించిన అంశాలు కూడా ఈ సెషన్లో కీలకంగా మారనున్నాయి.