ఎస్‌ఎల్‌బీసీ టన్నెల్‌ పూర్తికి డెడ్ లైన్ ఫిక్స్.. పనులపై మంత్రి ఉత్తమ్ క్లారిటీ!

TG: దశాబ్దాలుగా ఎదురుచూస్తున్న శ్రీశైలం లెఫ్ట్ బ్యాంక్ కెనాల్ (ఎస్‌ఎల్‌బీసీ) ప్రాజెక్టు సొరంగం తవ్వకాల్లో అతిపెద్ద అడ్డంకి తొలగిపోయిందని, పనుల్లో ఊహించని పురోగతి కనిపిస్తోందని రాష్ట్ర నీటిపారుదల శాఖ మంత్రి ఉత్తమ్‌కుమార్‌రెడ్డి స్పష్టం చేశారు. ప్రాజెక్టు పనుల పురోగతిపై ఇంజినీరింగ్ అధికారులు, నిర్మాణ సంస్థ ప్రతినిధులతో ఆయన ఉన్నత స్థాయి సమీక్ష నిర్వహించారు. అత్యంత క్లిష్టమైన, ప్రమాదకరమైన ‘షియర్ జోన్’ను దాటుకుని తవ్వకం యంత్రాలు ముందుకు సాగుతున్నాయని, ప్రాజెక్టును గడువులోగా పూర్తి చేసే దిశగా వేగంగా అడుగులు వేస్తున్నామని ఆయన స్పష్టం చేశారు.