ఇందిరమ్మ సాయం బదిలీకి ఏడాది పూర్తి!..

తెలంగాణలో ప్రజా ప్రభుత్వం ప్రతిష్టాత్మకంగా అమలు చేస్తున్న ఇందిరమ్మ ఇళ్ల పథకంలో ఆధార్ ఆధారిత నిధుల బదిలీ విధానం విజయవంతంగా కొనసాగుతూ.. ఏడాది పూర్తి చేసుకుంది. ఈ ఆధార్ బేస్డ్ పేమెంట్స్ విధానానికి గత సంవత్సరం ఆషాడ మాస బోనాల సమయంలో హౌసింగ్ కార్పొరేషన్ అధికారులు శ్రీకారం చుట్టారు. కాగా ఈ సంవత్సర కాలంలో రూ. 6,800 కోట్ల మేర ప్రభుత్వ ఆర్థిక సాయాన్ని.. దాదాపు రెండున్నర లక్షల మంది లబ్ధిదారుల బ్యాంక్ ఖాతాల్లోకి నేరుగా జమ చేసినట్టు అధికారులు తెలిపారు.