స్వేచ్ఛ న్యూస్ ఎఫెక్ట్.. దిగివస్తున్న ప్రభుత్వం.. 22ఏ సమస్యల పరిష్కారంలో మరో కీలక అడుగు

22A Lands: స్వేచ్ఛ న్యూస్ ఎఫెక్ట్.. గత నెల రోజుల పాటు స్వేచ్ఛ న్యూస్ చేసిన పోరాటం ఫలించింది. ప్రభుత్వం దిగి వస్తోంది. 22ఏ నిషేధిత భూముల సమస్యల పరిష్కారంలో మరో కీలక అడుగు పడింది. నాలా అనుమతి లేకుండా నివాస వినియోగంలోకి వచ్చిన పట్టా భూముల రిజిస్ట్రేషన్లకు తీపి కబురు చెప్పింది. నాలా రుసుము చెల్లింపుతో అర్హత ఉన్న భూముల రిజిస్ట్రేషన్లకు మార్గం సుగమైంది. ఈ మేరకు జిల్లా కలెక్టర్లకు స్పష్టమైన మార్గదర్శకాలు జారీ చేశారు రాష్ట్ర రెవెన్యూ శాఖ మంత్రి పొంగులేటి శ్రీనివాస్ రెడ్డి. మెమో నెం 48062/ULC/A1/2026 ద్వారా ఉత్తర్వులు జారీ చేశారు. అర్హత ఉన్న దరఖాస్తులను కాలపరిమితిలో పరిష్కరించాలని కలెక్టర్లకు ఆదేశాలు ఇచ్చారు.