Telangana BJP: తెలంగాణ బీజేపీలో 'రిపోర్ట్ కార్డు' టెన్షన్.. పదవుల్లో ఉన్న నేతలకు కొత్త షాక్!

Telangana BJP: తెలంగాణ బీజేపీలో పదవులు అనుభవిస్తున్న నేతలకు ఇప్పుడు అధిష్టానం పెద్ద షాక్ ఇచ్చింది. కేవలం పార్టీ పదవి తీసుకున్నామా, హైదరాబాద్ ఆఫీసు చుట్టూ తిరిగామా అన్నట్లుగా వ్యవహరిస్తే ఇకపై కుదరదని ఢిల్లీ పెద్దలు తేల్చిచెప్పారు. క్షేత్రస్థాయిలో ఎవరు ఎంత చురుగ్గా పనిచేస్తున్నారు? ఎన్ని జిల్లాల్లో పర్యటిస్తున్నారు? అన్న వివరాలను తేల్చేందుకు నేతల పనితీరుపై నిఘా పెట్టింది. ప్రతి నెలా ప్రోగ్రెస్ 'రిపోర్ట్ కార్డు' సమర్పించాలన్న అధిష్టానం కొత్త రూల్ ఇప్పుడు రాష్ట్ర కమలం నేతల్లో తీవ్ర టెన్షన్ రేపుతోంది.గత నెలలో రాష్ట్రానికి వచ్చిన బీజేపీ ఇంచార్జీ సునీల్ బన్సల్, సహ ఇంచార్జీలు అభయ్ పాటీల్, రేఖా శర్మతో పాటు సంస్థాగత ప్రధాన కార్యదర్శులు మధుకర్, దశరత్ వరుస సమావేశాలు నిర్వహించారు. బాధ్యతల్లో ఉన్న నేతలు ఇప్పటివరకు ఏం చేశారు?