Telangana: ACBకి షాక్‌.. ప్రాసిక్యూషన్‌ అనుమతి లేక 20 కేసులు క్లోజ్‌!!

అవినీతి నిరోధక శాఖ (ACB) నమోదు చేసిన కేసుల్లో కనీసం 20 ఎఫ్‌ఐఆర్‌లు మూసివేయబడ్డాయి. 2021 నుంచి నమోదైన ఈ కేసుల్లో నిందితులపై క్రిమినల్‌ ప్రాసిక్యూషన్‌కు ప్రభుత్వం అనుమతి ఇవ్వకపోవడంతో.. క్రిమినల్‌ విచారణకు బదులుగా శాఖాపరమైన చర్యలు, విచారణలు, దర్యాప్తులకు సంబంధిత విభాగాలు మొగ్గుచూపినట్లు రికార్డులు వెల్లడిస్తున్నాయి. మూసివేసిన కేసుల్లో కనీసం ఐదు లంచం తీసుకుంటూ పట్టుబడిన ట్రాప్‌ కేసులు ఉండటం గమనార్హం.