నర్సింగ్ విద్యార్థిని అనుమానాస్పద మృతి.. పక్కింటి వ్యక్తిపై తల్లి అనుమానాలు!

 భద్రాద్రి కొత్తగూడెం జిల్లా జూలూరుపాడు మండలం వెంగన్నపాలెం గ్రామంలో దారుణ సంఘటన చోటుచేసుకుంది. ఖమ్మం జిల్లాలోని ఒక ప్రైవేట్ కళాశాలలో బీఎస్సీ నర్సింగ్ ప్రథమ సంవత్సరం చదువుతున్న ఇంద్రవెల్లి హరిణి (18) అనే విద్యార్థిని స్వగ్రామంలో అనుమానాస్పద స్థితిలో మృతి చెందింది. సెలవుల నేపథ్యంలో ఇటీవలే గ్రామానికి వచ్చిన సదరు యువతి, తన ఇంటి ఆవరణలోని బాత్రూమ్ వెనుక భాగంలో మృతదేహమై కనిపిచడం తీవ్ర కలకలం రేపింది.