కృష్ణా జలాల పంపకాలపై ఉత్కంఠ.. త్రిసభ్య కమిటీ భేటీలో తెలంగాణ, ఏపీ భిన్న వాదనలు!

హైదరాబాద్‌లోని ఎర్రమంజిల్ ‘జలసౌధ’ వేదికగా కృష్ణా రివర్ మేనేజ్‌మెంట్ బోర్డ్(KRMB) త్రిసభ్య కమిటీ సమావేశం ఉత్కంఠ భరితంగా ప్రారంభమైంది. కేఆర్‌ఎంబీ మెంబర్ సెక్రటరీ సతీష్ అధ్యక్షతన జరుగుతున్న ఈ భేటీకి తెలంగాణ ఇంజనీర్ ఇన్ చీఫ్ (ENC) రమేష్ బాబు, ఆంధ్రప్రదేశ్ ఇంజనీర్ ఇన్ చీఫ్ నరసింహ మూర్తి హాజరయ్యారు. శ్రీశైలం, నాగార్జునసాగర్ జలాశయాల్లో ప్రస్తుతం అందుబాటులో ఉన్న నీటిని రెండు రాష్ట్రాల తాగునీరు, ఇతర అత్యవసర అవసరాల కోసం ఏ విధంగా పంపిణీ చేయాలనే అంశంపై ఈ సమావేశంలో ప్రధానంగా చర్చిస్తున్నారు.