Suryapet: ముదిరిన డబుల్ బెడ్‌రూమ్ ఇండ్ల వివాదం.. లబ్ధిదారుల ఎంపికపై గ్రామస్తుల ఆగ్రహం!!..

సూర్యాపేట జిల్లా మద్దిరాల గ్రామంలో డబుల్‌ బెడ్రూమ్‌ ఇళ్ల కేటాయింపు కోసం చేపట్టిన డ్రా ప్రక్రియ ఉద్రిక్తతకు దారితీసింది. 58 ఇళ్లను లబ్ధిదారులకు డ్రా పద్ధతిలో కేటాయించేందుకు అధికారులు ఏర్పాట్లు చేయగా.. అర్హుల ఎంపికలో అవకతవకలు జరిగాయని ఆరోపిస్తూ గ్రామస్తులు ఆందోళనకు దిగారు.

మద్దిరాల గ్రామంలో గత ప్రభుత్వం నిర్మించిన 58 డబుల్‌ బెడ్రూమ్‌ ఇళ్ల కోసం రెండేళ్ల క్రితం దరఖాస్తులు స్వీకరించారు. ఈ ఇళ్ల కోసం 500 మందికి పైగా దరఖాస్తు చేసుకోగా.. 300 మందికి పైగా అర్హులుగా గుర్తించినట్లు సమాచారం. అయితే లబ్ధిదారుల ఎంపిక ప్రక్రియ రెండేళ్లుగా పెండింగ్‌లో ఉండటంతో.. ఈలోగా కొంతమంది దరఖాస్తుదారులకు ఇందిరమ్మ ఇళ్లు మంజూరయ్యాయి.