షాద్‌నగర్‌లో విషాదం.. స్కూల్ మెట్ల పైనుంచి పడి విద్యార్థిని మృతి

Student Dies: రంగారెడ్డి జిల్లా షాద్‌నగర్‌లో తీవ్ర విషాదం చోటు చేసుకుంది. ఓ ప్రైవేట్ స్కూల్‌లో మెట్లు దిగుతూ కిందపడి విద్యార్థిని మృతి చెందింది. మృతి చెందిన బాలిక పేరు వర్ణిక. వయసు 9ఏళ్లు. నాలుగో తరగతి చదువుతోంది. వర్ణిక స్కూల్ మెట్లు దిగుతూ ప్రమాదవశాత్తు జారి పడింది. ఆ వెంటనే అపస్మారక స్థితిలోకి వెళ్లిపోయింది. స్కూల్ యాజమాన్యం వెంటనే బాలికను ఆసుపత్రికి తరలించింది. ఆసుపత్రిలో చికిత్స పొందుతూ విద్యార్థిని మరణించింది. వర్ణిక మెట్లు దిగుతూ జారిపడిన దృశ్యాలు సీసీ కెమెరాలో రికార్డ్ అయ్యాయి.