SrideviPropertyCase: శ్రీదేవి ఆస్తుల కేసులో సుప్రీంకోర్టు కీలక ఆదేశాలు!

 దివంగత హీరోయిన్ శ్రీదేవి కుటుంబానికి చెందిన చెన్నై ఈస్ట్ కోస్ట్ రోడ్డులోని కోట్లాది రూపాయల ఆస్తి వివాదం మళ్లీ తెరపైకి వచ్చింది. ఈ కేసు దేశ అత్యున్నత న్యాయస్థానమైన సుప్రీంకోర్టుకు చేరింది. 1988లో శ్రీదేవి కొనుగోలు చేసిన 2.7ఎకరాల భూమిలో వాటా కోరుతూ దాఖలైన పిటిషన్‌ను విచారించిన జస్టిస్ కేవీ.విశ్వనాథన్, జస్టిస్ అరుణ్ పల్లిలతో కూడిన ధర్మాసనం కీలక ఉత్తర్వులు జారీ చేసింది. తదుపరి విచారణ పూర్తయ్యే వరకు వివాదాస్పద ఆస్తిపై యథాతథ స్థితిని (స్టేటస్ కో) కొనసాగించాలని ఆదేశిస్తూ, శ్రీదేవి భర్త బోనీ కపూర్, కుమార్తెలు జాన్వీ కపూర్, ఖుషీ కపూర్‌లకు నోటీసులు జారీ చేసింది.