అసెంబ్లీలో స్పీకర్ కంటతడి..  సభలో ఒక్కసారిగా నిశ్శబ్దం!

తెలంగాణ శాసనసభ వర్షాకాల సమావేశాల్లో సోమవారం అనూహ్య పరిణామాలు చోటుచేసుకున్నాయి. సభా కార్యకలాపాలు కొనసాగుతున్న సమయంలో స్పీకర్ గడ్డం ప్రసాద్ కుమార్ తీవ్ర భావోద్వేగానికి గురయ్యారు. సభ కొనసాగుతుండగానే ఛైర్‌లో ఉన్న స్పీకర్ కంటతడి పెట్టారు. బీఆర్ఎస్ ఎమ్మెల్సీ తాతా మధు అసెంబ్లీ వెలుపల స్పీకర్‌ను ఉద్దేశించి తీవ్ర అనుచిత, అభ్యంతరకర వ్యాఖ్యలు చేశారని ఆరోపిస్తూ సభలో తీవ్ర దుమారం రేగింది. ఈ వ్యవహారంపై సీఎం రేవంత్ రెడ్డి సహా పలువురు ప్రముఖ నేతలు సభలో చర్చలు జరుపుతున్న తరుణంలోనే స్పీకర్ కన్నీళ్లు పెట్టుకోవడంతో సభలో ఒక్కసారిగా నిశ్శబ్ద వాతావరణం నెలకొంది.