Software Layoffs: 'వయసు తక్కువ' అనే సాకు.. సాఫ్ట్‌వేర్ రంగంలో లేఆఫ్స్ కలకలం!

ప్రపంచవ్యాప్తంగా సాఫ్ట్‌వేర్ రంగంలో ఉద్యోగాల తొలగింపుల పరంపర ఇంకా కొనసాగుతూనే ఉంది. తాజాగా హైదరాబాద్‌కు చెందిన ఓ టెక్కీని ప్రముఖ దిగ్గజ సంస్థ 'మైక్రోసాఫ్ట్' విధుల్లో నుంచి తొలగించడం ఐటీ సర్కిళ్లలో చర్చనీయాంశమైంది. తాను వయసులో చిన్నవాడినని, కుటుంబ బాధ్యతలు తక్కువగా ఉంటాయనే విచిత్రమైన సాకుతో తనను ఉద్యోగం నుంచి తీసేసినట్లు సదరు సాఫ్ట్‌వేర్ ఇంజినీర్ ప్రముఖ సోషల్ మీడియా వేదిక 'రెడ్డిట్' ద్వారా తన ఆవేదనను వెళ్లగక్కారు. ప్రస్తుతం ఆయన కొత్త ఉద్యోగం కోసం తీవ్రంగా అన్వేషిస్తున్నారు.