Smriti Mandhana: చిన్నారుల హక్కులకై మంధాన ముందడుగు.. సచిన్ టెండూల్కర్ ప్రశంసలు!

Smriti Mandhana: భారత మహిళా క్రికెట్ జట్టు పగ్గాలు చేపట్టిన స్టార్ బ్యాటర్ స్మృతి మంధాన గ్రౌండ్ బయట కూడా తన పెద్ద మనసును చాటుకున్నారు. కేవలం బ్యాట్‌తో పరుగుల వరద పారించడమే కాకుండా, సమాజంలో మార్పు కోసం కీలక అడుగు వేశారు. పిల్లల హక్కులు, లింగ సమానత్వం లక్ష్యంగా ప్రముఖ అంతర్జాతీయ సంస్థ ‘యూనిసెఫ్ ఇండియా’ సెలెబ్రిటీ అడ్వకేట్‌గా ఆమె అధికారికంగా నియమితులయ్యారు. దేశంలోని ప్రతీ బాలికకు సమాన అవకాశాలు దక్కాలని, వారి భవిష్యత్తుకు భరోసా కల్పించాలనే సంకల్పంతో మంధాన ఈ నూతన బాధ్యతలను స్వీకరించారు.