రంగారెడ్డి జిల్లా కలెక్టర్‌కు 6 నెలల జైలుశిక్ష.. హైకోర్టు సంచలన తీర్పు

TG: న్యాయస్థానం ఇచ్చిన స్పష్టమైన ఉత్తర్వులను బేఖాతరు చేసిన వ్యవహారంలో తెలంగాణ హైకోర్టు సంచలన తీర్పునిచ్చింది. కోర్టు ఆదేశాలను ఉల్లంఘించిన కేసులో కోర్టు ధిక్కరణకు పాల్పడినట్లు నిర్ధారించింది జస్టిస్ కె.లక్ష్మణ్ నేతృత్వంలోని ధర్మాసనం. రంగారెడ్డి జిల్లా కలెక్టర్ సి.నారాయణరెడ్డికి 6 నెలల సాధారణ జైలుశిక్షతో పాటు 6 వేల రూపాయల జరిమానా విధిస్తూ తీర్పునిచ్చింది. కాగా, అప్పీలు చేసుకునేందుకు అవకాశం కల్పిస్తూ శిక్ష అమలును నాలుగు వారాల పాటు నిలిపివేసింది.