‘షమొండా’ కలకలం.. పశువుల నుంచి మనుషులకు సోకిన వైరస్!

పశువులకు మాత్రమే సోకుతుందని భావించిన ప్రమాదకరమైన 'షమొండా వైరస్‌' (Shamonda Virus) ఇప్పుడు మానవులకు కూడా సోకగలదని తేలడం అంతర్జాతీయ వైద్య వర్గాల్లో తీవ్ర ఆందోళన కలిగిస్తోంది. సాధారణంగా ఈగల ద్వారా కేవలం జంతువులలో మాత్రమే వ్యాపించే ఈ వైరస్‌ బారినపడి ఫ్రాన్స్‌లో ఓ వ్యక్తి ప్రాణాలు కోల్పోవడం ప్రపంచవ్యాప్తంగా ఇదే మొదటిసారి అని వైద్య అధికారులు అధికారికంగా ధ్రువీకరించారు. తూర్పు ఫ్రాన్స్‌లో ఈ ఏడాది ప్రారంభంలో పశువులలో ఈ వైరస్‌ జాడ వెలుగుచూడగా, తాజాగా మనుషుల్లోనూ దీని ప్రాణాంతక ప్రభావం బయటపడింది.