బొల్లారం ఆయుధాల చోరీ కేసులో సంచలన నిజాలు.. మిలటరీలో చేరే ముందే పాత నేర చరిత్ర!

 హైదరాబాద్‌లోని బొల్లారం మద్రాసు రెజిమెంట్ నుంచి ఆయుధాలు చోరీకి గురైన సంచలనాత్మక కేసులో పోలీసులు మరొక బిగ్ ట్విస్ట్‌ను వెలుగులోకి తెచ్చారు. ఈ కేసులో ప్రధాన నిందితుడిగా అరెస్టయి మల్కాజ్‌గిరి పోలీసుల కస్టడీలో ఉన్న మాజీ హవాల్దార్ మల్లేష్‌కు గతంలోనే నేరచరిత్ర ఉన్నట్లు విచారణలో వెల్లడైంది. 2005 నుంచి 2007 మధ్యకాలంలో నాగర్‌కర్నూల్ జిల్లాలోని అచ్చంపేట, అమ్రాబాద్ పోలీస్ స్టేషన్ల పరిధిలో అతనిపై పలు ఇళ్లల్లో దొంగతనాలకు (హౌజ్ బ్రేకింగ్) సంబంధించిన కేసులు నమోదైనట్లు పోలీసులు గుర్తించారు.