సంచలన నివేదిక.. మహిళలపై నేరాల కేసుల్లో బీజేపీ నేతలే టాప్!

మహిళలపై వేధింపులు, లైంగిక దాడులు, నేరాలకు సంబంధించిన కేసులు ఎదుర్కొంటున్న ప్రజాప్రతినిధుల్లో అధికార బీజేపీ (BJP)కి చెందిన వారే మొదటి స్థానంలో ఉన్నారని 'అసోసియేషన్ ఫర్ డెమోక్రటిక్ రిఫార్మ్స్' (ADR), 'నేషనల్ ఎలక్షన్ వాచ్' తమ తాజా అధ్యయనంలో సంచలన విషయాలను వెల్లడించాయి. దేశవ్యాప్తంగా ప్రస్తుతం పదవుల్లో ఉన్న 772 మంది ఎంపీలు, 4,109 మంది ఎమ్మెల్యేల ఎన్నికల అఫిడవిట్లను విశ్లేషించగా, మొత్తం 168 మంది ఎమ్మెల్యేలు, 19 మంది ఎంపీలు మహిళలపై నేరాలకు సంబంధించిన పెండింగ్ కేసులను ఎదుర్కొంటున్నట్లు ఈ నివేదిక స్పష్టం చేసింది.