Saudi Arabia: పశ్చిమాసియాలో ఉద్రిక్తత.. సౌదీ అరామ్‌కో రిఫైనరీపై హూతీల డ్రోన్ దాడి?

పశ్చిమాసియాలో ఉద్రిక్తతలు మరింత ముదురుతున్నాయి. ఒకవైపు అమెరికా–ఇరాన్ ఘర్షణలతో పరిస్థితులు ఆందోళనకరంగా మారగా.. మరోవైపు సౌదీ అరేబియా–హూతీ తిరుగుబాటుదారుల మధ్య దాడులు ప్రపంచ దేశాలను కలవరపెడుతున్నాయి. ఇరాన్ మద్దతు ఉన్న హూతీ తిరుగుబాటుదారులు సౌదీ అరేబియాలోని కీలక చమురు సంస్థలను లక్ష్యంగా చేసుకున్నట్లు ప్రకటించారు.

సౌదీ అరేబియాలోని అతిపెద్ద చమురు శుద్ధి కేంద్రాల్లో ఒకటైన రాస్ తనురా రిఫైనరీపై డ్రోన్ దాడి జరిగినట్లు సమాచారం. ఈ రిఫైనరీ సౌదీ అరామ్‌కోకు చెందిన కీలక చమురు సంస్థల్లో ఒకటి. దాడి అనంతరం రిఫైనరీ పరిసరాల్లో భారీగా మంటలు ఎగిసిపడుతున్న దృశ్యాలు సోషల్ మీడియాలో వైరల్‌గా మారాయి.