కేటీఆర్ పీఏ, పీఆర్వోలకు సైఫాబాద్ పోలీసుల నోటీసులు!

 తెలంగాణ అసెంబ్లీ సమావేశాల సందర్భంగా ఈనెల 7వ తేదీన గేట్ నంబర్-3 వద్ద చోటుచేసుకున్న నిరసన ఘటనలకు సంబంధించి కీలక పరిణామం చోటుచేసుకుంది. బీఆర్‌ఎస్ వర్కింగ్ ప్రెసిడెంట్ కేటీఆర్ పీఏ కుంబాల మహేందర్ రెడ్డి, పీఆర్వో మాణిక్య మహేష్‌లకు సైఫాబాద్ పోలీసులు విచారణాధికారి ఎదుట హాజరుకావాలంటూ నోటీసులు జారీ చేశారు. విధి నిర్వహణలో ఉన్న పోలీసులపై దాడికి పాల్పడటం, అధికారులను అడ్డుకున్నారన్న ఫిర్యాదుల ఆధారంగా నమోదు చేసిన క్రిమినల్ కేసు దర్యాప్తులో భాగంగా ఈ చర్యలు చేపట్టారు.