RythuDiscom: ఉచిత విద్యుత్తుకు పాతరేసే కుట్ర: సర్కార్‌పై హరీశ్ రావు తీవ్ర విమర్శలు!

 కాంగ్రెస్ ప్రభుత్వం తీసుకొచ్చిన 'రైతు డిస్కమ్' (జీవో 17) నిర్ణయంపై మాజీ మంత్రి, బీఆర్ఎస్ ఎల్పీ డిప్యూటీ ఫ్లోర్ లీడర్ తన్నీరు హరీశ్ రావు విరుచుకుపడ్డారు. ప్రధాన ప్రతిపక్షమైన బీఆర్ఎస్ సహా రైతు సంఘాలు, విద్యుత్ రంగ నిపుణులు, ఉద్యోగ సంఘాలు లేవనెత్తుతున్న తీవ్ర అభ్యంతరాలను బేఖాతరు చేస్తూ ప్రభుత్వం ఏకపక్షంగా జీవో జారీ చేయడాన్ని ఆయన తీవ్రంగా ఖండించారు. రైతులకు 24 గంటల ఉచిత విద్యుత్ సరఫరాకు పాతరేసి, నాణ్యమైన కరెంట్ అందించకుండా రైతుల మెడకు ఉచ్చు బిగించేందుకే రేవంత్ రెడ్డి సర్కార్ ఈ నిరంకుశ, దుర్మార్గపు నిర్ణయం తీసుకుందని మండిపడ్డారు.